ຄວາມຍືນຍົງ

ການປັບປຸງ

ຄວາມປອດໄພດ້ານສະບຽງອາຫານ

ບໍລິສັດ ວຽງຈັນສາງເຢັນ ພະຍາຍາມລົບລ້າງຄວາມອຶດຫິວຂອງໂລກ ແລະຮັບປະກັນວ່າຄວາມປອດໄພດ້ານສະບຽງອາຫານ ເປັນສິດທິຂອງປະຊາຊົນໃນທົ່ວໂລກ. ການຕໍ່ສູ້ກັບຄວາມອຶດຫິວ ຮຽກຮ້ອງໃຫ້ມີການລົງທຶນທີ່ສໍາຄັນ ໃນໂຄງລ່າງພື້ນຖານ ດັ່ງການຜະລິດສະບຽງອາຫານ ແລະນະວັດກໍາການເກັບຮັກສາ. 

ບໍລິສັດ ວຽງຈັນສາງເຢັນ ຮັບຮູ້ ແລະເຂົ້າໃຈຕໍ່ຄວາມຮັບຜິດຊອບຂອງພວກເຮົາ ໃນການສະໜອງການເກັບຮັກສາອາຫານ ທີ່ມີຄຸນນະພາບສູງ ເພື່ອຫຼຸດຜ່ອນຄວາມສ່ຽງຂອງອາຫານທີ່ເສື່ອມຄຸນນະພາບ ສໍາລັບຜູ້ບໍລິໂພກ.

ສດ້ານສິ່ງແວດລ້ອມ

ຄຸນນະພາບອາກາດ ແລະສຸຂະພາບ

ຜົນ​ການ​ສຶກສາ​ຂອງ​ອົງການ​ສະຫະ​ປະຊາ​ຊາດ ສະ​ແດງ​ໃຫ້​ເຫັນ​ວ່າ ມີ​ປະມານ 7 ລ້ານ​ຄົນ​ເສຍ​ຊີວິດ​ຕໍ່​ປີ​ ຈາກ​ການ ​ສຳ​ຜັດ​ກັບຝຸ່ນ ຫຼື ມົນ​ລະ​ພິດ​ໃນ​ອາກາດ. ໃນຖານະທີ່ເປັນບໍລິສັດເກັບຮັກສາອາຫານ ແລະບໍລິສັດການຂົນສົ່ງ, 

ບໍລິສັດວຽງຈັນສາງເຢັນ ດໍາເນີນຂັ້ນຕອນຕ່າງໆ ເພື່ອຮັບປະກັນວ່າພາຫະນະຂົນສົ່ງ ແລະ ສິ່ງອໍານວຍຄວາມສະດວກຂອງພວກເຮົາ ໄດ້ຮັບການປັບປຸງໃຫ້ເໝາະສົມ ແລະເປັນມິດກັບສິ່ງແວດລ້ອມ ເທົ່າທີ່ເປັນໄປໄດ້.

ລາຄາເໝາະສົມ ແລະ
ພະລັງງານສະອາດ

ບໍລິສັດວຽງຈັນສາງເຢັນ, ນຳໃຊ້ເຕັກໂນໂລຊີຂັ້ນສູງໃນການເກັບຮັກສາ ແມ່ນອີງໃສ່ຄວາມຫນາແຫນ້ນ ຂອງການເກັບຮັກສາ. ພວກເຮົານຳໝູນໃຊ້ສິ່ງແວດລ້ອມທີ່ສ້າງຜົນກະທົບໜ້ອຍທີ່ສຸດ ເມື່ອທຽບໃສ່ກັບບໍລິສັດເກັບຮັກສາແບບດັ້ງເດີມ. ສິ່ງອໍານວຍຄວາມສະດວກຂອງພວກເຮົາ ໄດ້ຖືກອອກແບບ ແລະດໍາເນີນການພາຍໃຕ້ແຜນການບໍລິໂພກ ພະລັງງານທີ່ເຫມາະສົມ ເພື່ອຫຼຸດຜ່ອນການໃຊ້ພະລັງງານ.

ມາດຕະຖານລະດັບສູງ &
ການຂະຫຍາຍຕົວທາງເສດຖະກິດ

ການ​ເຕີບ​ໂຕ​ທາງ​ດ້ານເສດ​ຖະ​ກິດ ​ແມ່ນ​ອີງ​ໃສ່​ການ​ເພີ່ມ​ຜະ​ລິດ​ຕະ​ພັນ ແລະ ການ​​ນຳໃຊ້ນະ​ວັດ​ຕະ​ກຳ​ເຕັກ​ໂນ​ໂລ​ຊີ. ສາງເກັບຄວາມເຢັນຂອງພວກເຮົາທັງຫມົດ ແມ່ນໄດ້ຕິດຕັ້ງ ດ້ວຍລະບົບການຄຸ້ມຄອງສາງອັດຕະໂນມັດ ເພື່ອຫຼຸດຜ່ອນ ການນຳໃຊ້ແຮງງານ ທີ່ມີຜົນທາງດ້ານຮ່າງກາຍ. ສິ່ງດັ່ງກ່າວນີ້, ພວກເຮົາມີຜູ້ຊ່ຽວຊານດ້ານການຝຶກອົບຮົມສູງ ເພື່ອການເຕີບໂຕທາງດ້ານເສດຖະກິດ ແບບຍືນຍົງ ໃນຊຸມຊົນຂອງພວກເຮົາ.

ອຸດສາຫະກໍາ, ນະວັດຕະກໍາ ແລະ
ໂຄງສ້າງພື້ນຖານ

ນະວັດຕະກໍາແມ່ນສໍາຄັນໃນທຸກໆອຸດສາຫະກໍາ, ລວມທັງການເກັບຮັກສາອາຫານເຢັນ ແລະການຂົນສົ່ງ. ພວກເຮົາກໍາລັງແກ້ໄຂສິ່ງທ້າທາຍ ທາງດ້ານເສດຖະກິດ, ການດໍາເນີນງານ ແລະສິ່ງແວດລ້ອມ ດ້ວຍວິທີແກ້ໄຂໃຫມ່ໆ. ບໍລິສັດ ວຽງຈັນສາງເຢັນ ແມ່ນສະເໜີຊອກຫາ ການລົງທຶນ ໃນນະວັດຕະກໍາ ເຕັກໂນໂລຢີໃໝ່ໆ ເພື່ອຊ່ວຍໃຫ້ທຸລະກິດຂອງພວກເຮົາ ດໍາເນີນໄປຢ່າງມີປະສິດທິພາບ ແລະ ຍືນຍົງ.

ຫຼຸດຜ່ອນຄວາມບໍ່ສະເໝີພາບ

ຄວາມບໍ່ສະເໝີພາບໃນບ່ອນເຮັດວຽກ ແລະສັງຄົມຂອງພວກເຮົາ ປະກອບກັບການຂາດການຂະຫຍາຍຕົວ ທາງດ້ານເສດຖະກິດ ແລະການພັດທະນາຊຸມຊົນ. ບໍລິສັດ ວຽງຈັນສາງເຢັນ ມີເປົ້າໝາຍສະໜອງໂອກາດທີ່ສະເໝີພາບ, ການສ້າງເຄືອຂ່າຍ,ການມີສ່ວນຮ່ວມ,ການກຸສົນໃຫ້ແກ່ຊຸມຊົນທ້ອງຖິ່ນ. ພວກເຮົາເຊື່ອວ່າການລົງທຶນ ໃນພະນັກງານ ແລະຊຸມຊົນທ້ອງຖິ່ນຂອງພວກເຮົາມີຄວາມ ສໍາຄັນຕໍ່ການຂະ

ຫຍາຍຕົວທຸລະກິດ ແລະເສດຖະກິດຂອງພວກເຮົາ.

ຄວາມຮັບຜິດຊອບ ຕໍ່ການບໍລິໂພກ
& ການຜະລິດ

ບໍລິສັດ ວຽງຈັນສາງເຢັນ ມີຄວາມມຸ່ງຫມັ້ນໃນການ ກໍາຈັດ ແລະຫຼຸດຜ່ອນ ຜະລິດຕະພັນສິ່ງເສດເຫຼືອ ຈາກການດໍາເນີນງານຂອງພວກເຮົາ. ພວກເຮົາມີຈຸດປະສົງເພື່ອ ກໍາຈັດສິ່ງເສດເຫຼືອ ທີ່ບໍ່ສາມາດນຳມາໃຊ້ຄືນໄດ້ທັງຫມົດ ຈາກຂະບວນການປະຕິບັດງານຂອງພວກເຮົາ ແລະ ວັດສະດຸທີ່ບໍ່ສາມາດນໍາມາໃຊ້ຄືນໄດ້ໃຫມ່.

ການປະຕິບັດ
ຕໍ່ສະພາບອາກາດ

ບໍລິສັດ ວຽງຈັນສາງເຢັນ ຮັບຮູ້ດີ, ເຖິງແມ່ນວ່າການເກັບຮັກສາຄວາມເຢັນ ແລະ ການຂົນສົ່ງແມ່ນພາກສ່ວນໜຶ່ງທີ່ສຳຄັນຂອງການດຳເນີນກິດຈະການຂອງພວກເຮົາ, ແຕ່ອຸດສາຫະກຳຂອງພວກເຮົາຕ້ອງດຳເນີນບາດກ້າວບຸກທະລຸ ເພື່ອຫຼຸດຜ່ອນ ຜົນກະທົບດ້ານສິ່ງແວດລ້ອມ ໃນການດຳເນີນງານ. 

ບໍລິສັດ ວຽງຈັນສາງເຢັນ ນໍາໃຊ້ລົດບັນທຸກທີ່ມີຂະໜາດພໍດີ ໃນການໃຊ້ນໍ້າມັນເຊື້ອໄຟ ທີ່ປະຕິບັດຕາມມາດຕະຖານການປ່ອຍອາຍພິດ. ທີມງານຈະປະຕິບັດໃນການຮັບປະກັນວ່າ ພວກເຮົາປະຕິບັດເສັ້ນທາງ ທີ່ມີປະສິດທິພາບທີ່ສຸດ ເພື່ອຫຼຸດຜ່ອນການນຳໃຊ້ນໍ້າມັນ ໃນການສ້າງມົນລະພິດທາງອາກາດ.

ຄວາມສະເໝີພາບ

ບໍລິສັດ ວຽງຈັນສາງເຢັນ ເຊື່ອວ່າຄວາມສະເໝີພາບລະຫວ່າງ ຍິງ-ຊາຍ ແມ່ນສິດທິມະນຸດຂັ້ນພື້ນຖານ ທີ່ຈຳເປັນໃນການປັບປຸງຊີວິດການເປັນຢູ່ທັງໝົດ ຂອງແມ່ຍິງ, ເດັກນ້ອຍ ແລະ ຜູ້ທີ່ມີຄວາມແຕກຕ່າງທາງເພດ. ພວກເຮົາສ້າງສະພາບແວດລ້ອມ ທີ່ປາສະຈາກການກົດຂີ່ຂົ່ມເຫັງ, ການຈໍາແນກ ແລະ ຂໍ້ຈໍາກັດຕ່າງໆ. ຄວາມເປັນຜູ້ນຳຂອງພວກເຮົາ ມີນະໂຍບາຍຊັດເຈນ ໃນການເຮັດວຽກສູ່ການພັດທະນາແບບຍືນຍົງ ແລະ ມອບໂອກາດໃຫ້ທຸກໆຄົນເທົ່າທຽມກັນ.

ນ້ຳສະອາດ ແລະ ດ້ານສຸຂາພິບານ

ການຮັບປະກັນຄວາມພ້ອມ ການຄຸ້ມຄອງນໍ້າສະອາດ ແລະ ສຸຂາພິບານ ແບບຍືນຍົງ ແມ່ນເປັນສ່ວນໜຶ່ງທີ່ສຳຄັນໃນການດໍາເນີນງານຂອງ ບໍລິສັດ ວຽງຈັນສາງເຢັນ. ພວກເຮົາເຂົ້າໃຈວ່າ ການພັດທະນາສັງຄົມໃນອານາຄົດ ທັງໝົດມີຄວາມກ່ຽວພັນກັບນ້ຳສະອາດເຊັ່ນ: ການສ້າງກ້າວໜ້າທາງດ້ານເສດຖະກິດ, ການຄໍ້າປະກັນສະບຽງອາຫານ, ດ້ານສຸຂະພາບ, ດ້ານກະສິກໍາ, ການຫຼຸດຜ່ອນຄວາມທຸກຍາກ, ການສ້າງພະລັງງານ ແລະ ລະບົບນິເວດວິທະຍາ.